ExploreNews
Connect

ក្រុងតូក្យូ៖ ក្នុង​ឈុត​សម្លៀកបំពាក់​ប្រពៃណី​គីម៉ូណូ និង​អង្គុយ​លុតជង្គង់​លើ​កម្រាល​កន្ទេល​តាតាមិ ស្ត្រី​វ័យ​ ៦១ ​ឆ្នាំ​ យ៉ាស៊ូ តូមីតា ​ហាក់​ដូចជា​កំពុង​សម្ដែង​ក្នុង​ពិធីបុណ្យ​​ទឹកតែ​ប្រពៃណី​របស់​​​ជប៉ុន​អ៊ីចឹង​ ប៉ុន្ដែ​តាម​ការពិត​អ្នកស្រី​កំពុង​តែ​ត្រៀម​​ខ្លួន​សម្ដែង​ភាពយន្ត​អាសអាភាស​។

ជាមួយ​នឹង​ការលេង​ទឹកមុខ​ស្រគត់ស្រគំ​​ ខណៈ​កាមេរ៉ា​ត្រៀម​ផ្ដិត​យក​រូបភាព​ អ្នកស្រី តូមីតា បាន​បញ្ជាក់​ថា ក្នុង​សង្គម​មនុស្ស​ចាស់​នៅ​ជប៉ុន​ គ្មាន​ពាក្យ​ថា​ «ចាស់» ទេ ក្នុង​ការ​ធ្វើ​ដំណើរ​​​សម្រេច​​ក្ដីសុបិន​របស់​បុគ្គល​ម្នាក់ៗ​។

អ្នកស្រី​ក៏​បាន​រួមចំណែក​ក្នុង​ទីផ្សារ​​ដែល​កំពុង​រីកចម្រើន​ក្នុង​ប្រទេស​ជប៉ុន​។​ នោះ គឺ​វិស័យ​ភាពយន្ដ​អាសអាភាស ដែល​ផ្ដោត​គោលដៅ​ទៅលើ​ទីផ្សារ​មជ្ឈិមវ័យ ខណៈ​ប្រទេស​ដែល​សម្បូរ​មនុស្សចាស់​​ច្រើន​លើសលប់​​មួយ​នេះ​បាន​ចាប់​យក​​​ផ្នត់គំនិត​ចំពោះ​រឿង​ផ្លូវភេទ និង​ស្នេហា​។

ទោះជា​យល់​ថា​វ័យ​របស់​ខ្លួន​ពិតជា​ជ្រេ អ្នកស្រី តូមីតា គ្មាន​ការរារែក​ក្នុង​ការ​បង្ហាញ​អារម្មណ៍​តណ្ហា​រោលរាល​ និង​​គ្មាន​វិប្បដិសារី​ចំពោះ​ការសម្រេចចិត្ដ​បោះបង់​វិជ្ជាជីវៈ​ដេរប៉ាក់ ងាក​​មក​ចាប់​អាជីព​​​សម្ញែង​កេរ្តិ៍ខ្មាស​នោះ​ទេ។

តារាសិច​វ័យ​ចំណាស់​រូប​នេះ បាន​ថ្លែង​​​ថា​៖ «​ខ្ញុំ​ស្រឡាញ់​ស្នាដៃ​ដេរប៉ាក់​​របស់​ខ្ញុំ​ ប៉ុន្ដែ​ខ្ញុំ​ចង់​ប្រើ​ដៃ​ខ្ញុំ​​បម្រើ​ការផលិត​ភាពយន្ត​សិច ទាន់​រាងកាយ​​នៅ​អាច​កម្រើក​បាន​»។

អ្នកស្រី​បាន​បន្ដ​ថា​៖ «​ខ្ញុំ​ពិតជា​ចូលចិត្ដ​សិច ហើយ​នេះ គឺជា​ឱកាស​ចុងក្រោយ​របស់​ខ្ញុំ​មុន​ពេល​ធ្វើអី​លែង​កើត។ ខ្ញុំ​ភ័យ​ខ្លាំង​ណាស់ មិន​ដឹង​ថា​ ខ្ញុំ​អាច​ធ្វើ​វា​បាន​ឬ​ទេ ជាពិសេស​នៅ​ចំពោះ​មុខ​មនុស្ស​ជាច្រើន​។ ប៉ុន្ដែ​មនុស្ស​គ្រប់​រូប​គួរតែ​ខំ​សម្រេច​ក្ដីសុបិន​របស់​ខ្លួន​»។

អ្នកស្រី តូមីតា បាន​ចុះឈ្មោះ​ចូល​ទីភ្នាក់ងារ​មួយ​ក្នុង​ឧស្សាហកម្ម​ «​វីដេអូ​កម្សាន្ដ​របស់​មនុស្ស​ពេញវ័យ​ AV» ដ៏រីកចម្រើន​របស់​ជប៉ុន​ជាមួយ​កូនស្រី​របស់​ខ្លួន​។

អ្នកស្រី បាន​រៀបរាប់​ពី​ដំណើរ​មុន​ក្លាយ​ជា​តារាសិច​ថា​៖ «​យើង​បាន​ដាក់ពាក្យ​​​តាម​អ៊ីនធឺណិត​រួម​គ្នា​។ ខ្ញុំ​​​ទទួល​​​បាន​ការងារ​មុន​ ដែល​ធ្វើឲ្យ​នាង​ភ្ញាក់ផ្អើល​ខ្លះ​ដែរ​»។

ក្នុង​សង្គម​ជប៉ុន​សម្បូរ​មនុស្ស​ចាស់​ប្រមាណ​​​ ៣២ ​លាន​នាក់​ ដែល​ស្មើ​នឹង​ ១ ​ភាគ​ ៤ ​នៃ​ចំនួន​ប្រជាជន​សរុប​មាន​អាយុ​លើស​ពី​ ៦៥ ​ឆ្នាំ​​។ ចំនួន​មនុស្ស​ចាស់​នឹង​បន្ត​​កើនឡើង​ដល់​ ៤០ ​ភាគរយ​ក្នុង​ឆ្នាំ​ ២០៦០ ​។ ជាមួយ​នឹង​ស្ថិតិ​នេះ វា​គ្មាន​អ្វី​​ភ្ញាក់ផ្អើល​ដែល​ថា ភាពយន្ត​សិច​សម្រាប់​ទីផ្សារ​មនុស្ស​ចាស់​សក់​ស​​ គឺជា​ជំនួញ​ដ៏កាក់កប​នោះ​ទេ។

ភាពយន្ដ​អាសអាភាស​រក​បាន​ចំណូល​ប្រមាណ​ ២០ ​ពាន់​លាន​​ដុល្លារ​ក្នុង​មួយ​ឆ្នាំ​ ហើយ​តារា​ប្រុស​ស្រី​វ័យ​ជ្រេ​ស្បែក​ជ្រួញ​ដែល​ក្លាហាន​​បង្ហាញ​កេរ្តិ៍ខ្មាស​​នោះ​មាន​ចំនួន​ពី​​ ២០ ​ទៅ​​ ៣០ ភាគរយ​នៃ​ចំណែក​ទីផ្សារ​។ ការ​លក់​បាន​ហក់​​ឡើង​ខ្លាំង​នៅ​​ប៉ុន្មាន​ទសវត្សរ៍​ចុងក្រោយ​ ខណៈ​ប្រជាជន​វ័យ​ចំណាស់​កាន់តែ​ពេញចិត្ត​នឹង​តួ​ស្របាល​ខ្លួន​។

បើ​ទោះ​ជា​មិន​សូវ​សម​បន្ដិច​មែន ក៏​បិតា​ជីតា​សិច​វ័យ​ ៨០ ​ឆ្នាំ លោក ស៊ីហ្គេអូ តូគូដា បាន​បង្ហាញ​វិជ្ជាគុន​រាប់រយ​រឿង និង​បាន​ឡើង​គ្រែ​ជាមួយ​តារា​ក្មេងខ្ចី​ល្វក់​អាយុ​ស្មើ​ចៅ​។ លោក​​ក៏​បាន​ថត​ជាមួយ​អ្នកស្រី ហ្វូជីកុ អ៊ីតុ អាយុ​ក្មេង​ជាង​លោក​តែ​​ ២ ​ឆ្នាំ​ ដែល​អ្នក​ទាំង​ពីរ​លេង​សុទ្ធតែ​ក្បាច់​ត្រាំទឹក ឬ​លើ​កម្រាល​កន្ទេល​ក្នុង​ខោអាវ​ប្រពៃណី។

ដូច​គ្នា​​ដែរ​នាង ណាស៊ូកុ កាយ៉ាម៉ា វ័យ​ ៤៤ ​ឆ្នាំ ជា​តារា​​សិច​មាន​បទពិសោធ​​ ​២៥ ​ឆ្នាំ​​​បាន​ប្ដេជ្ញា​ថា​​​មិន​ចូល​និវត្តន៍។

អ្នកស្រី​បាន​និយាយ​ទាំងអស់​សំណើច​​ថា​៖ «​ខ្ញុំ​ចង់​ធ្វើ​ជា​តារា​សិច​ដ៏ចាស់​ជាង​គេ​​បំផុត​។ ខ្ញុំ​ចង់​បំបែក​ឯតទគ្គកម្ម បើ​អាច​ទៅ​រួច​ ឬ​បើ​អាច​មាន​ជីវិត​​រស់​បាន​យូរ​»។

2017-04-09_15.27.12

ផលិតករ ហ្វូមីអាគិ គីមូរ៉ា បាន​ឲ្យ​ដឹង​ថា​៖ «​តារា​សិច​ចាស់ៗ​​​មាន​ការគាំទ្រ​ខ្លាំង​ ១០ ​ឆ្នាំ​​​ចុងក្រោយ​​នេះ។ គូស្នេហ៍​ចំណាស់​​ចូលចិត្ត​មើល​រឿងសិច​សម្ដែង​ដោយ​តួ​វ័យ​ស្របាល​ខ្លួន​ព្រោះ​វា​ធ្វើឲ្យ​អារម្មណ៍​ស្និទ្ធស្នាល​»៕