ExploreArticle
Connect

ឃើញ​ទេសាហាវ​អញ្ចឹង​ !! ស្លាប់និង​របួស​ដល់ទៅ​០៨នាក់ តែ​មិនដឹង​យ៉ាង​ណាទៀតទេ​...

ខេត្តកំពង់ឆ្នាំង៖ គ្រោះថ្នាក់ដ៏សាហាវនៅស្រុកសាមគ្គីមានជ័យ រថយន្ត៣គ្រឿងបុកគ្នា ស្លាប់៤នាក់ក្នុងរថយន្ត របួសធ្ងន់ស្រាល៤នាក់
ស្លាប់កាលពីវេលាម៉ោង៨និង២០នាទីយប់ថ្ងៃទី២៩ ខែមេសា ឆ្នាំ២០១៧ នៅលើផ្លូវជាតិលេខ៥ចន្លោះគីឡូម៉ែត្រលេខ៤៨-៤៩ ស្ថិតនៅក្នុងភូមិស្ពានពោធិ៏ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។

ប្រភពពីសមត្ថកិច្ចនគរបាលដែលបានចុះទៅពិនិត្យនៅកន្លែងកើតហេតុ បានអោយដឹងថា៖នៅមុនពេលកើតហេតុមានរថយន្តមួយគ្រឿងម៉ាក TOYOTA CAMRY ពណ័ បៃតងចាស់ ពាក់ស្លាកលេខ ភ្នំពេញ 2A-5416 បើកបរដោយឈ្មោះ ផន ភារី ភេទប្រុស អាយុ២២ឆ្នាំ រស់នៅក្នុងភូមិម្លូរម៉ឺន ឃុំផ្សារដែក ស្រុកពញ្ញាឭ ខេត្តកណ្តាល ធ្វើដំណើរពីខេត្តកំពង់ឆ្នាំង ឆ្ពោះទៅភ្នំពេញ(ពីទិសខាងជើងទៅខាងត្បូង)ដោយមានដឹកអ្នកដំណើរជាក្រុមគ្រួសារចំនួន៧នាក់ ពេលមកជិតដល់ចំណុចកើតហេតុរថយន្តម៉ាក TOYOTA CAMRY បានបើកវ៉ាររថយន្តដឹកទំនិញធន់ធំមួយគ្រឿង ក្នុងស្ថានភាពគ្រោះថ្នាក់ ក៏បានជ្រុលចង្កូតទៅបុករថយន្តក្រុងដឹកអ្នកដំណើរមួយគ្រឿងម៉ាក HYUNDAI ពណ័ខៀវ ពាក់ស្លាកលេខ ភ្នំពេញ 3C-9712 ជារថយន្តក្រុងរបស់ ក្រុមហ៊ុន ថោនស៊ីន ស្ថិតក្រោមសេវាធានារ៉ាប់រងកាមិនកូ បើកបរក្នុងដំណើរបញ្រ្ចាស់ទិសគ្នា(អ្នកបើកបររថយន្តក្រុងបានចុះរត់គេចខ្លួនបាត់)ហើយក៏បានខ្ទាតទៅបុករថយន្តធន់ធំមួយគ្រឿងទៀតម៉ាក FUSO ពណ័ ស្លែ ពាក់ស្លាកលេខ តាកែវ 3A-0590 ដែលកំពុងបើកបរមកពីក្រោយរថយន្តម៉ាកCAMRY ក្នុងទិសដៅស្របទិសគ្នា។

ក្នុងហេតុការណ៏គ្រោះថ្នាក់ចរាចរណ៏នេះ អ្នកដំណើរដែលនៅក្នុងរថយន្តម៉ាក TOYOTA CAMRY ទាំង៨នាក់ ៤នាក់បានគៀបស្លាប់នៅក្នុងរថយន្តក្នុងនោះមានស្រីម្នាក់ និងរបួសធ្ងន់ស្រាល៤នាក់។ឯរថយន្តទាំងធំ២គ្រឿងរងការខូចខាតមួយចំនួន រថយន្តCAMRY រងការខូចខាតទាំងស្រុង។បើយោងតាមការសន្និដ្ឋានរបស់សមត្ថកិច្ចបានអោយដឹងថា៖ហេតុការណ៏គ្រោះថ្នាក់ដ៏សាហាវនេះបណ្តាលមកពី ការបើកជែងក្នុងស្ថានភាពគ្រោះថ្នាក់។
2017-04-30_17.51.12
ក្រោយពេលកើតហេតុអ្នករបួសទាំង៤នាក់ត្រូវបានបញ្ជូនទៅសង្រ្គោះនៅមន្ទីរពេទ្យ ចំណែកសពត្រូវបានប្រគល់អោយក្រុមគ្រួសារយកទៅធ្វើបុណ្យប្រពៃណី។រថយន្តទាំង៣គ្រឿងត្រូវសមត្ថកិច្ចអូសយកមករក្សាទុកនៅអធិការដ្ឋាននគរបាលស្រុកសាមគ្គីមានជ័យ ដើម្បីកសាងសំណុំរឿងបញ្ជូនបន្តតាមនិតិវិធីច្បាបើ៕

FB_IMG_1493548915910 FB_IMG_1493548920241 FB_IMG_1493548925818 FB_IMG_1493548932490