ExploreNews
Connect

ក្លិបកំពុងស្ថិតនៅចំណាត់ថ្នាក់ទី៩ ដោយមាន៩ពិន្ទុ វេស្ទើនភ្នំពេញ នឹងត្រូវជួបជាមួយក្រុមខ្លាំងក្រសួងការពារជាតិ ក្នុងសប្តាហ៍ទី៩ នៃលីគកំពូលកម្ពុជា នៅថ្ងៃ សៅរ៍ទី ២៩ ខែ មេសា វេលាម៉ោង៦ល្ងាចនៅកីឡដ្ឋានស្តាតចាស់ ខណៈក្រុមមួយនេះរមែងទទួលបានលទ្ធផលល្អពេលជួបជាមួយក្លិបខ្លាំងៗ ប៉ុន្តែត្រូវបានខកចិត្តពេលជួបក្លិបមានសមត្ថភាពប្រហាក់ប្រហែលគ្នា។

មូលហេតុនេះត្រូវបានលោក ស៊ុំ វណ្ណា គ្រូបង្វឹកក្លិប វេស្ទើនភ្នំពេញ ទម្លាយថាដោយសារកូនក្រុមមានភាពអំនួតពេលលេងជាមួយក្លិបខ្សោយ រឺស្មើខ្លួន ចំណែកពេលជួបក្លិបខ្លាំងបែជាមានស្មារតី និងការតាំងចិត្តខ្ពស់។ « ខ្ញុំបានសង្កេតមើលពេលពួកគាត់លេងជាមួយក្រុមប្រហាក់ប្រហែលយើង ពួកគេកម្តៅសាច់ដុំរៀងមានភាពរង្វើលៗ ប៉ុន្តែខ្ញុំនឹងបំពេញបន្ថែមចន្លោះខ្វះខាត»។

យោងតាម៨ប្រកួតកន្លងមកក្លិប វេស្ទើនភ្នំពេញ ធ្លាប់យកឈ្នះ ភ្នំពេញក្រោន ៣ទល់១ ស្មើ បឹងកេត ៣ទល់១ ស្មើ ណាហ្គាវើល ១ទល់១ ចំណែកពេលលេងជាមួយ គិរីវង់សុខសែនជ័យ ឈ្នះ ២ទល់១ ចាញ់ អគ្គស្នងការដ្ឋាននគរបាលជាតិ ចាញ់០ទល់៤ ចាញ់ស្វាយរៀង៥ទល់០ អគ្គិសនីកម្ពុជា ១ទល់២ និងចុងក្រោយបង្អស់បានត្រឹមស្មើ ០ទល់០ ពេលជួបសុីម៉ាក់៕

ប្រភព៖ We are Football