ExploreNews
Connect

ក្រុមមេឃខៀវ Manchester City នឹងទិញខ្សែការពារជម្រើសជាតិអ៊ីតាលី កីឡាករ Leonardo Bonucci របស់ក្រុមសេះបង្កង់  Juventus នៅដើមរដូវកាលក្រោយក្នុងតម្លៃប្រមាណជាង ៥០លានដុល្លារ ជាតម្លៃបំបែកឯក្តកម្មខ្សែការពាររបស់អ៊ីតាលី បើសិនជា Manchester City ទិញរូបគេមកកាន់ទឹកដី Estihad Stadium នោះ។

កីឡាករ២៩ឆ្នាំរូបនេះបានបង្ហាញខ្លួនយ៉ាងល្អ ដែលបានចាប់ដៃគូជាមួយមិត្តរួមរបស់ខ្លួនគឺកីឡាករ Georgio Chiellini ក្នុងការបិទខ្សែប្រយុទ្ធឆ្នើមៗរបស់ Bacelona មិនឱ្យស៊ុតចូលទាំងពីរ ហើយបានទម្លាក់ក្រុម Bacelona ចេញពីពានរង្វាន់ UEFA Champion League ត្រឹមវគ្គ Quarter-Finalផងដែរ។​ រដូវកាលនេះ Manchester City កំពុងមានបញ្ហាការពារ ទោះបីជាពួកគេមានខ្សែការពារល្អៗដូចជា John Stone, Kompany, Otamendi ក៏ដោយក៏មិនអាចបិទពីការស៊ុតរបស់ដៃគូរបានដែរ ដោយឆ្លងកាត់ ៣២ប្រកួតមកនេះ ក្រុមដែលមានរហស្សនាមថា Citizens ត្រូវរបូតគ្រាប់រហូតដល់ទៅ ៣៥គ្រាប់ ដែលជាចំនួនដ៏ច្រើនពុំធ្លាប់មានពីមុនមក យ៉ាងណាមិញអ្នកចាត់ការរទូទៅលោក Pep Guardiola នឹងត្រូវស្វះស្វែងរកខ្សែការពារលំដាប់ World Class ដើម្បីមកជួយក្រុមដើម្បីធានាក្រុមនឹងលេងល្អឡើងវិញ និងដើម្បីប្រជែងយកជើងឯកនៅរដូវកាលក្រោយ ៕