ExploreNews
Connect

Jose Mourinho អ្នកចាត់ការក្រុមបិសាចក្រហម Manchester United ចង់បានអតីតកីឡារបស់ខ្លួនកាលនៅជាអ្នកចាត់ការ Chelsea គឺខ្សែបម្រើ William និង ខ្សែការពារកណ្តាលរបស់ Spur កីឡាករToby Alderweireld នៅរដូវកាលក្រោយ។ បុរសសញ្ជាតិព័រទុយហ្គាល់គឺជា Fan ម្នាក់របស់ William តាំងពីកីឡាករ២៨ឆ្នាំនេះលេងនៅអ៊ុយក្រែន បន្ទាប់មកអ្នកចាត់ការរហស្សនាម Special one បាននាំយកកីឡាកររូបនេះមកកាន់ទឹកដី Stamford Bridge ក្នុងឆ្នាំ២០១៣។

រីឯខ្សែការពាររឹងមាំរបស់ Spur កីឡាករ Toby Alderweireld ក៏ជាគោលដៅរបស់ Manchester United ដែរ ក្នុងការចង់បានកីឡាកររូបនេះមកជួយក្រុមនៅរដូវក្រោយដើម្បីចាប់ដៃគូរដែលមានស្រាប់ដូចជា Eric Baily, Marcos Rojo, Phil Jone និង Chris Smalling ហើយខ្សែការពារ២៨ឆ្នាំត្រូវបានគេប្រៀបប្រដូចទៅនឹង Rio Ferdinand អតីតខ្សែការពារដ៏រឹងមាំរបស់ Manchester United សម័យអ្នកចាត់ការ Sir Alex Ferguson ទន្ទឹមនឹងនេះក្រុមដែលមានមូលដ្ឋានក្នុងទីក្រុង Manchester មួយនេះក៏អន្ទាក់ចិត្តចង់បានខ្សែប្រយុទ្ធជម្រើសជាតិបារាំង Antoine Griezmann ផងដែរប៉ុន្តែកីឡាកររូបនេះបានអះអាងថាខ្លួនសប្បាយចិត្តក្នុងការលេងឱ្យ Atlectico Madrid អំឡុងពេលខ្លួនសុបិនចង់ទៅចូលរួមជាមួយ Bacelona, Real Madrid និង Bayern Munich។

ប្រភព៖ The Sun  ប្រែសម្រួល៖ ស៊ុត ស៊ីណាល់